Inicio
"De tanto hablar de cine he terminado encuadrando la vida", é a paixón que transmite a letra dun tema de Loquillo no seu álbum
Arte y Ensayo (DRO, 2004).Apropiámonos da súa frase porque cando levas 20 anos co ollo dereito pegado ó visor dunha cámara os teus pensamentos convírtense nunha secuencia de planos encadeados.
E a iso nos adicamos: a encadrar a vida.
Os nosos servizos
Televisión
Sexa en informativos -onde prima a inmediatez e non soe haber demasiado tempo para gravar e editar- ou en reportaxes máis elaboradas para programas semanais, sempre o damos todo para que o resultado sexa plenamente satisfactorio en primeiro lugar para nós mesmos. Porque un traballo feito con cariño e do que poder sentirse orgulloso é a primera pedra para acadar un cliente satisfeito.
Retransmisións e streaming
Nunha sociedade permanentemente conectada o directo é fundamental. Por iso nos obsesiona estar ó día en tecnoloxía e coñecementos para ofrecer o mellor servizo de retransmisión multicámara, ben sexa vía streaming ou a plataformas broadcast grazas ás nosas unidades de directos LiveU LU-500 e LiveU SOLO.
Congresos e eventos
Temos unha gran experiencia no sector eventos e todos os anos estamos nos principais congresos médicos do país. Cardiólogos, dermatólogos, hematólogos e moitos outros especialistas foron xa testemuñas do noso traballo polos pazos de congresos de toda a xeografía.
Clientes
A atención a todos os detalles e o coidado que poñemos en cada un dos nosos traballos é o motivo de que importantes empresas do sector audiovisual nos confíen hoxe as súas producións. Pero se importante é que confíen hoxe, máis aínda que o sigan a facer mañá. Ese é o noso principal obxectivo.
